ክልል አቀፍ ዘመናዊ የመስኖ ተቋማት ቆጠራ እና ዘመናዊ የመረጃ አያያዝ ስርዓት ለመዘርጋት የሁለትዮሽ ሥምምነት ሥነ-ስርዓት ተካሄደ።

ሚያዚያ22/2016ዓም

ባህርዳር

የአብክመ መስ/ቆ/አካ/ል/ቢሮ ከባህርዳር ዩኒቨርስቲ ጋር በክልሉ ወስጥ ከአሁን በፊት የተገነቡም ሆነ በመገንባት ላይ ያሉ ዘመናዊ የመስኖ ተቋማትን አጠቃላይ ቆጠራ ለማካሄድ ከዩንቨርስቲው የቴክኖሎጂ ኢንስትቲውት ኋላፊ በሆኑት በዶ/ር ምትኩ ዳምጤ እና የክልሉ የመስ/ቆ/አካ/ል/ቢሮ ኋላፊ በሆኑት በዶ/ር-ኢ ዳኝነት ፈንታ መካከል የስምምነት ሠነድ የፊርማ ሥነ-ስርዓት ተካሂዷል።

በስምምነቱ ውል መሠረት የባ/ዳር ዩኒቨርስቲ :-

ሁሉንም ዘመናዊ መስኖ ተቋማት መዝግበው ለፖሊሲ አውጭዎች በሚያመች መልኩ የተተነተ የዳታ ቤዝ የመረጃ ስርዓት ለመገንባት ፣

በተቋማቶቹ ላይ የሚስተዋሉ በጥናት የተደገፈ ተጨባጭ በመስኖ ፕሮጀክት ሥራዎቾ የሚስተዋሉ ተግዳሮቶችን እና በዘላቂነት ችግሩን ለመፍታት አማራጭ ሳይንሳዊ ሃሳቦችን ለማቅረብ ፣

የመስኖ ፀጋዎቻችንን የበለጠ ለመጠቀም መልካም አጋጣሚዎችን እና የሚስተዋሉ እጥረቶችን በጥናት ለመለየት፣

በቀላሉ መጠቀም የምንችልባቸው ዘመናዊና ተስማሚ የመስኖ የመረጃ አያያዝ ስርዓት ለማበልፀግ ፣

የተስማሙ ሲሆን የክልሉ መስ/ቆ/ አካ/ ልማት ቢሮ በውሉ መሠረት ሥራዎች በጥራት መሠራታቸው ተረጋግጦ አስፈላጊ ሠነዶች መረከቡ ሲረጋገጥ ክፍያ ለመፈፀም በመስማማት ከዛሬ ሚያዚያ 22/2016 ጀምሮ ሥራ ለመጀመር ሁለቱ ተቋማት ሥምምነት በመፈራረም በይፋ ሥራ ጀምረዋል።